«Барселона» бош мураббийи Хави Испания кубоги ярим финалида «Реал»дан учралган мағлубият (0:4) ҳақида фикр билдирди.

«Биринчи бўлимни жуда яхши ўтказдик. Биз уларнинг қарши ҳужумларини тўхтатишга мажбур бўлдик, аммо гол ўтказиб юбордик.

Танаффусдан кейинги иккинчи гол бизни «ўлдирди». Биз ўзимизни танқид қилишимиз ва ишлашда давом этишимиз керак», - дея Хавининг сўзларини келтиради Football Espana.

«Реал Мадрид»га қарши ўйинда «Барселона»га тўртта асосий ўйинчи етишмади: Андреас Кристенсен, Френки Де Йонг, Педри ва Усмон Дембеле, бироқ Хави уларнинг йўқлигидан мағлубиятни баҳона қилишни истамади.

«Агар сиз жароҳатлар ҳақида гапирсангиз, бу баҳонага ўхшаб қолади. Биринчи ўйинда ҳам, биринчи бўлимда ҳам жуда яхши курашдик.

Мен бундан фахрланаман. «Реал Мадрид» фаворит, улар Чемпионлар лигасининг яқинда ғолиби бўлганини аллақачон айтгандим», - дея қўшимча қилди Хави.