«Барселона» спорт директори Йорди Кройф «ПСЖ» ҳужумчиси Лионель Месси ҳақида фикр билдирди.
«Месси «Барселона»нинг барча мухлислари назаридаги афсонадир. Биз ўз ўйинларимиз ҳақида ўйлашимиз керак.
Лионелнинг бошқа клуб билан шартномаси бор ва чемпионлик учун курашаётган фавқулодда футболчи.
Бизнинг ҳам шартномаси ниҳоясига етаётган ўйинчимиз ҳақида бошқа клублар гапирганида шубҳасиз, хафа бўлардик», — деди Кройф.
Олдинроқ «Барселона» Мессининг қайтишига қизиқиш билдираётгани хабар қилинганди. Шунингдек, аргентиналик ҳужумчи Каталония клуби билан шартнома имзолаш масаласини кўриб чиқаётгани қайд этилган.
Месси жорий мавсум Франция чемпионатида 24 та ўйинда майдонга тушиб, 13 та гол урди ва худди шунча голли узатмага муаллифлик қилган.
