ФИФАнинг навбатдаги рейтинг жадвали бугун эълон қилинди. Аммо март ойидаги ўртоқлик ва расмий учрашувлар ўтказиб бўлингани учун ҳозирданоқ янги рейтинг борасида хулоса қилиш мумкин.
Ўзбекистон терма жамоаси КОНМЕБОЛнинг икки жамоаси билан ўртоқлик учрашувини ўтказиб, Боливияни мағлуб этган бўлса, Венесуэла билан дуранг ўйнади. Натижада ҳисобимизга 5,72 балл қўшилди ва очколаримиз 1318,36 га етди.
Бунинг оқибатида терма жамоамиз 3 поғона юқорига кўтарилиб, 77-ўриндан 74-поғонага чиқиб олди. Ушбу сакраш туфайли Салвадор, Болгария ва Исроилни қувиб ўтдик.
Қитъа миқёсида эса Япония (20-ўрин), Эрон (24), Жанубий Корея (27), Австралия (34), Саудия Арабистони (54), Қатар (61), Ироқ (67), БАА (72) ва Уммон (73)дан сўнг 10-қатордан жой олдик (шунинг учун Осиё кубоги-2023 учун ташланадиган қуръада 2-саватчада бўламиз).
Жаҳон чемпиони Аргентина ФИФА рейтингида пешқадамга айланади. Франция эса 2-ўринга чиқиб олди. Шу пайтгача пешқадам бўлиб турган Бразилия 3-ўринга тушди.
ФИФА рейтинги (6 апрель)
1. Аргентина — 1841
2. Франция — 1838
3.Бразилия — 1834
4. Бельгия — 1793
5. Англия — 1792
6. Нидерландия— 1731
7.Хорватия — 1730
8. Италия — 1714
9. Португалия — 1707
10. Испания — 17682
ОФК
20. Япония — 1589
24. Эрон — 1553
27. Жанубий Корея — 1536
29. Австралия — 1532
54. Саудия Арабистони— 1421
61. Қатар — 1389
67. Ироқ — 1349
72. БАА — 1336
75. Уммон — 1334
77. Ўзбекистон — 1318
81. Хитой — 1297
84. Иордания — 1293.
