"Барселона" мухлислари Испания кубоги доирасида "Реал" билан бўлиб ўтган ўйинда (0:4) майдонга бегона нарсаларни улоқтиришди.
Мухлислар учрашувнинг 70-дақиқасидан бошлаб майдонга "зажигалка", танга ва сув идишларини улоқтира бошлади. Қайдномада шундай дейилган:
"Реал Мадрид" дарвозасидан орқа тарафдан жой олган томошабинлар бир нечта ўйинчига тегмаган ҳолда бир нечта "зажигалка"ларни улоқтиришди. Шу сабабли, ушбу ҳаракатларни тўхтатиш зарурлиги ҳақида стадион суҳандони эълон қилиш учун ўйин бир неча дақиқага тўхтатилди.
Ўйиннинг 80-дақиқасида ва "Реал Мадрид"нинг гол нишонлаш вақтида трибунадан иккита ярим бўш сув шишаси учиб тушди ва бу ҳеч кимга тегмади.
“Реал Мадрид” жарима майдончасига учта зажигалка ва 1 евролик танга улоқтирилган, улардан бири “Реал” дарвозабони Тибо Куртуанинг ёнгинасига келиб тушган.