Про лига 4-тури доирасидаги «Динамо» - «Андижон-SGS» ўйини меҳмон жамоанинг Испанияда ёшлар ўртасидаги ўртоқлик турнирида қатнашиши сабабли ПФЛ томонидан номаълум муддатга қолдирилди.

Юзага келган танаффусда «Динамо» жамоаси бугун Зафар Холмуродов мураббийлигидаги «Насаф» ўринбосарлар жамоасига қарши майдонга тушди. Шу куни жамоамиз тўпурари Кожо Жоэль майдонга тушмади.

Ўйиндаги ҳисоб 1-бўлимда самарқандлик ҳимоячи Салим Мустафоев томонидан очилди. Тайм якунигача дарвозабон Фарҳод Раҳматов жамоасини икки марта муқаррар голдан сақлаб қолди. Иккинчи бўлимда эса захирадан майдонга тушган Баҳодир Абдувалиев фарқни иккитага етказган бўлса, 74-дақиқада Комил Шарофетдинов ишлаган пенальтини Муҳаммадбобур Асадуллаев голга айлантирди. 75-дақиқада эса Комил Шарофетдиновнинг узатмасини Самарқанд футболи тарбияланувчиси Элнурбек Саитмуродов бош билан қаршиликлар дарвозасига жойлади – 4:0.

Ўртоқлик ўйини. 6 апрель (пайшанба)
«Динамо» - «Насаф» (ўринбосарлар) – 4:0
Самарқанд, «Динамо» стадиони.
Голлар: Салим Мустафоев 15, Баҳодир Абдувалиев 57, Муҳаммадбобур Асадуллаев 74 пенальтидан, Элнурбек Саитмуродов 75.
«Динамо»: Фарҳод Раҳматов, Эркин Бойдуллаев, Евгений Назаров, Хуршидбек Убайдуллаев, Салим Мустафоев, Абдужамол Исроилов, Жавлон Маликов, Валерий Акопов, Муҳаммадбобур Асадуллаев, Дилшод Раҳматуллаев, Баҳодир Насимов.
Иккинчи бўлимда майдонга тушганлар: Коике Юдай, Комил Шарофетдинов, Францис Нарх, Менса Дэррик, Жасур Қурбонов, Элгужа Григалашвили, Баҳодир Абдувалиев, Элнурбек Саидмуродов.