"Реал" ярим ҳимоячиси Лука Модрич жамоасининг Испания кубоги финалига чиққани ҳақида фикр билдирди.
Эслатиб ўтамиз, ярим финалда "Қироллик клуби" умумий ҳисобда "Барселона"ни 4:1 ҳисобида мағлуб этганди.
“Мен жуда хурсандман ва жамоам билан фахрланаман. Биз тўғри нишонлашимиз керак. Охирги марта деярли 10 йил олдин Испания кубогини ютган эдик, энди буни яна такрорлаш имконига эгамиз" - деди Модрич ўйиндан кейинги интервьюсида.
Испания кубоги финалида "Реал Мадрид" ўз тарихида бу совринни қўлга киритмаган "Осасуна" билан тўқнаш келади. Турнирнинг ҳал қилувчи баҳси май ойида бўлиб ўтади.
