"Челси" ярим ҳимоячиси Энцо Фернандес янги лигага қандай мослашиб бораётгани ҳақида гапирди.
Эслатиб ўтамиз, 22 ёшли аргентиналик футболчи январь ойи охирида "Бенфика"дан ўтганидан сўнг Англия Премьер-лигасида иккита голли узатмани амалга оширганди.
"Премьер-лига жуда қийин чемпионат. Жамоалар кўпроқ тўп билан ўйнашга одатланган лигадан келдим. Англияда юқори суръат ва жисмоний кураш кўп. Мен жамоадошларим ва мураббийлар штаби кўмагида босқичма-босқич мослашиб кетяпман", - деди Фернандес “Челси” расмий сайтига берган интервьюсида.
"Кўклар" қишда Фернандес учун 121 миллион евро тўлаб, футболчини Премьер-лига тарихидаги энг қиммат трансферга айлантирди.
