Италия кубоги 1/2 финалидан ўрин олган “Ювентус” – “Интер” (1:1) учрашуви якунланганидан сўнг 3 нафар футболчи дисквалификация қилинди.
"Ювентус" ярим ҳимоячиси Хуан Куадрадо "Интер" дарвозабони Самир Ханданович билан ўйиндан кейин муштлашгани учун уч ўйинга дисквалификация қилинди ва 10 минг евро жаримага тортилди. Дарвозабоннинг ўзи эса битта ўйинга дисквалификация ва 10 минг евро жарима олди.
"Интер" ҳужумчиси Ромелу Лукаку ҳам спортчига хос бўлмаган хатти-ҳаракатлари учун битта ўйинга дисквалификация қилинди. Қолаверса, “Ювентус” мухлислар трибунаси битта ўйинга ёпиқ бўлади.
Италия спорт суди барча дисквалификациялар А Серия ўйинларига тегишли эканлигини таъкидлади.
