Italiya kubogi 1/2 finalidan o‘rin olgan “Yuventus” – “Inter” (1:1) uchrashuvi yakunlanganidan so‘ng 3 nafar futbolchi diskvalifikasiya qilindi.
"Yuventus" yarim himoyachisi Xuan Kuadrado "Inter" darvozaboni Samir Xandanovich bilan o‘yindan keyin mushtlashgani uchun uch o‘yinga diskvalifikasiya qilindi va 10 ming yevro jarimaga tortildi. Darvozabonning o‘zi esa bitta o‘yinga diskvalifikasiya va 10 ming yevro jarima oldi.
"Inter" hujumchisi Romelu Lukaku ham sportchiga xos bo‘lmagan xatti-harakatlari uchun bitta o‘yinga diskvalifikasiya qilindi. Qolaversa, “Yuventus” muxlislar tribunasi bitta o‘yinga yopiq bo‘ladi.
Italiya sport sudi barcha diskvalifikasiyalar A Seriya o‘yinlariga tegishli ekanligini ta’kidladi.
