Англия футбол ассоциацияси "Манчестер Юнайтед"ни жаримага тортди.
Яқинда Англия кубоги доирасида "Фулхэм"га қарши ўйинда ўз ўйинчиларининг хатти-ҳаракати учун клуб 65 минг фунт (тахминан 74 минг евро) тўлаши керак.
Гап “қизил иблислар” футболчилари ҳакамни ўраб олиб, унга даъво қилган эпизод ҳақида кетмоқда.
Эслатиб ўтамиз, "Манчестер Юнайтед" чорак финалда "Фулхэм"ни 3:1 ҳисобида мағлуб этганди.
"Манчестер Юнайтед" айни дамда "Эвертон"га қарши ўз уйида АПЛ ўйинига тайёргарлик кўрмоқда. Жамоалар 8 апрель куни ўйнайди. “Қизил иблислар” айни дамда АПЛ турнир жадвалида 4-ўринда бормоқда.
