"Байер" ҳимоячиси Жереми Фримпонг яқин келажакда жамоасини ўзгартириши мумкин.
22 ёшли футболчига анчадан бери “Манчестер Юнайтед” қизиқиш билдираётган эди. Шу билан бирга, Фримпонг "Барселона" ва "Бавария" клубларининг ҳам қизиқишлари доирасида.
Инсайдер Фабрицио Романонинг ижтимоий тармоқларда хабар беришича, каталонияликлар ва мюнхенликлар Фримпонгнинг агенти билан музокара олиб боришган.
Тransfermarkt портали Жереми Фримпонгни 35 миллион еврога баҳоламоқда. Футболчининг "Байер" билан амалдаги шартномаси 2024/2025 йилги мавсум охиригача амал қилади.
Фримпонг жорий мавсумда 36 та ўйинда майдонга тушиб, 8 та гол урди ва 9 та голли узатмани амалга оширди.
