Испания кубоги доирасидаги “Барселона” – “Реал” учрашувини 5,5 миллион томошабин томоша қилди, дея хабар бермоқда AS нашри.
Телевизион аудитория улуши 40,7 фоизни ташкил этди. Энг юқори чўққисида трансляцияни 6,3 миллион томошабин (43,3 фоиз улуш билан) томоша қилган. Ўйин билан алоқада бўлганларнинг умумий сони 9,9 миллион кишини ташкил этди (Испания аҳолисининг 21,5 фоизи).
Кечаги футбол кўрсатуви Испанияда йилнинг энг кўп томоша қилинган иккинчи кўрсатуви бўлди - олдинги "Эл Класико"дан кейин.
Мадриднинг “Реал” клуби Карим Бенземанинг хет-трики эвазига “Барселона”ни 4:0 ҳисобида мағлуб этди ва Испания Кубоги финалига йўл олди. Ҳал қилувчи баҳсда мадридликларнинг рақиби “Осасуна” бўлади. Финал ўйини 6 май, шанба куни соат 23:00да (Тошкент вақти билан) бошланади.
