"Барселона" президенти Жоан Лапорта "Негрейра иши" юзасидан УЕФА ва ФИФАга мактуб йўллаб, улардан масъулиятни ўз зиммасига олишни ва клуб зарар кўраётгани ҳақидаги оммавий баёнотларга қўшилмасликни, шунингдек, оммавий баёнотлардан воз кечишни ва клубга суд жараёнида ўзини ҳимоя қила олишига рухсат беришни сўраган. Бу ҳақда Catalunya Ràdio хабар бермоқда.

Қайд этилишича, "кўк-анорранглилар" раҳбари мактубида каталонияликлар ҳакамлар техник қўмитаси собиқ вице-президенти Хосе Мария Энрикес Негрейрага 2001 йилдан 2018 йилгача бўлган даврда тўловларни оқлаш муҳим деб ҳисоблаётгани ҳақида тушунтиришлар берган.