Хабарингиз бор, Мадриднинг "Реал" клуби "Барселона"ни мағлуб этиб, Қирол кубоги финалига чиқди ва "Осасуна" билан беллашади. Шу тариқа, "Осасуна" ўз тарихида иккинчи марта финалга йўл олди. Биринчи марта 2005 йилда финалда ўйнаган эди.
Жорий йилнинг 18 февраль куни бўлиб ўтган ўйиндаги видеолавҳа Испанияда кенг оммалашмоқда. Movistar телекамералари "Реал" бош мураббийи Карло Анчелотти ва "Осасуна" бош мураббийи Ягоба Аррасателарнинг ўртасидаги суҳбатни суратга олди.
Суҳбат якунлар экан, Анчелотти Аррасетега "Қирол кубоги финалида кўришгунча" деди. Орадан бир ярим ой ўтгач, улар финалда учрашади.