Каталониянинг «Барселона» клуби бош мураббийи Тито Виланова Европа чемпионлар Лигаси биринчи туридан ўрин олган "Спартак"ка қарши ўйин борасида ўз фикрларини билдириб ўтди.

«Барча ҳудудларини ёпиб олган жамоага қарши ўйнаш жуда қийин. Биз илгари худди шунга ўхшаш ўйинни «Рубин»га қарши ўтказган эдик. Ўшанда ҳам ва бугун ҳам бизга осон бўлгани йўқ».

«Пике жароҳат олгандан сўнг унинг ўрнига Бартруни туширишни истаган эдим, аммо танловимни Сонгда қолдирдим. У аввал ҳам «Арсенал» таркибида Чемпионлар лигасида ўйнаган ва катта тажрибага эга».

«Тельога келадиган бўлсак, у бугун жуда яхши футбол кўрсатди. Айниқса қанотлардан бир қатор муваффақиятли ҳужумлар ташкил қилди. У мунтазам равишда ривожланишда давом этмоқда».

«Футболда ҳеч нарса осон бўлмайди. Бизнинг тарихимизда «Рубин» ва «Копенгаген» каби клубларга қарши ўтказилган оғир учрашувларимиз бўлган. Бундай вақтда энг муҳими — вазиятни ўз вақтида ўнглаб олиш».

«Рақиб таркибида тезкор футболчилар бор эди ва уларга қарши ўйнаш жуда оғир бўлди. Аммо биз вазифамизни уддалай олдик. «Спартак» таркибида ажойиб чет эллик футболчилар бор, мен аввалдан россияликларга паст баҳо бермасликка чақириб келганман», дея Виланованинг сўзларидан иқтибос келтирмоқда «Газета.Ru» интернет нашри.