"Манчестер Сити" дарвозабони Эдерсон Мораес жамоанинг ҳолати ҳақида ўз фикрлари билан ўртоқлашди.
“Мен бу ерда олти йилдан бери яшайман ва кўчиб ўтганимдан кейин ҳаётим жуда ўзгарди. Агуэро, Компани, Яя Туре, Фернандиньо, Давид Силва каби афсоналар шу вақт ичида жамоани тарк этган бўлсада, асосий таркибни сақлаб қоламиз.
Уларнинг барчаси тарих яратишга ёрдам берди, биз биргаликда ғалабаларга эришдик ва унвонларни қўлга киритдик, аммо муҳим ўйинчилар кетганда ҳам "Манчестер Сити"нинг амбициялари ўзгармайди", - дея бразилияликнинг сўзларини келтиради клуб матбуот хизмати.
Эдерсон 2017 йилда "Бенфика"дан "Сити"га ўтган эди. Хосеп Гвардиола жамоаси сафида у 277 та ўйин ўтказган.
