"ПСЖ" футбол маслаҳатчиси Луиш Кампуш истеъфога чиқарилиши мумкинлиги ҳақидаги миш-мишларга қарамай, Париж клубининг келажагини режалаштирмоқда.
"ПСЖ"даги Кампуш лойиҳаси ўрта ва узоқ муддатли лойиҳадир. Унинг ишдан бўшатилиши ҳақидаги маълумотларга қарамай, парижликларнинг маслаҳатчиси жамоанинг трансфер сиёсати билан шуғулланишда давом этади.
Инсайдер Фабрицио Романонинг сўзларига кўра, "ПСЖ"нинг ёзги трансфер ойнасидаги илк трансфери "Интер" ҳимоячиси Милан Шкриньяр бўлади. Словакиялик футболчи Милан клубини текинга тарк этади ва парижликлар сафига қўшилади.
