"Арсенал" ва Испания терма жамоасининг собиқ ярим ҳимоячиси Сеск Фабрегас аргентиналик юлдуз ҳужумчи ва унинг дўсти Лионель Месси ҳақида гапирди.

“Месси жуда машҳур. Бир жойга бирга ўтириш учун чиқсак, қимирлай олмаймиз. Уни Майкл Жордан билан солиштириш мумкин. У инсоний жиҳатдан ўзгармаслиги муҳим. Лео қанчалик кўп муваффақиятга эришса, у шунчалик камтар бўлиб қолаверади. Шунинг учун мен уни янада кўпроқ ҳурмат қиламан ", - деди Фабрегас Италия ОАВга.

Месси ўтган йил охирида жаҳон чемпиони бўлганди. Қатарда бўлиб ўтган жаҳон чемпионати финалида Аргентина терма жамоаси Францияни мағлуб этди (3:3, пенальтилар сериясида 4:2).