"Барселона" ёзги трансфер ойнасида 120 миллион евродан кўпроқ даромад олмоқчи.
Diario Sport хабарига кўра, каталонияликлар келаси мавсум бошига қадар Ла Лига маош қоидаларига мос келиши учун бу миқдордаги пулни ишлаб олишга умид қилишмоқда.
Шу боисдан ҳам "блауграналар" ҳозирда ижарада бўлган деярли барча футболчиларни сотишга тайёр. Фақат бундан мустасно - ярим ҳимоячи Абде Эззалзули, ҳозирда "Осасуна"да ўйнайди.
Бироқ ижарага берилган футболчиларни сотишдан тушган даромад етарли бўлмайди. Шу сабабдан "Барса" ҳозирги таркибдаги футболчиларни сотишга тайёр. Савдолар қайси ўйинчилар катта таклифлар олишига боғлиқ бўлади.
Шу билан бирга, ҳеч қандай шароитда сотилмайдиган бир нечта ўйинчилар бор. Улар орасида Педри, Гави, Рональд Араужо ва Френки де Йонг бор.
