"Лион" спорт директори Жуниньо Пернамбукано "ПСЖ" ҳужумчиси Лионель Мессининг "Барселона"га қайтишини истамоқда. Бразилиялик собиқ футболчи аргентиналикни Саудия Арабистонида кўришни истамайди.
"Лионель Мессининг “Барселона”га қайтиши унинг Саудия Арабистонига Криштиану Роналдуга қарши майдонга тушишидан кўра яхшироқ кўринади. Саудия Арабистони чемпионатига ҳурмат билан айтсам, Месси учун энг яхши вариант “Барселона”га қайтишдир" - деди Жуниньо матбуот анжуманида.
Эслатиб ўтамиз, Мессининг "ПСЖ" билан шартномаси мавсум охирида якунига етади. Лионель "Барселона"га қайтишни хоҳлайди, аммо каталонияликларнинг молиявий муаммолари туфайли ўтиш қийин кўринмоқда.
