«Манчестер Сити» ҳужумчиси Эрлинг Холанд чемпионлик учун курашдаги асосий рақибнинг бўлажак учрашуви ҳақидаги саволга жавоб берди.

«Манчестер Сити» «Саутгемптон»ни 4:1 ҳисобида мағлуб этди, норвегиялик футболчи дубл қайд этиб, Премьер-лигадаги голлари сонини 30 тага етказди.

Ўйиндан сўнг журналистлар ҳужумчидан «Ливерпул»нинг «Арсенал»га қарши якшанба куни бўлиб ўтадиган ўйинини томоша қилиш ёки кўрмаслигини сўрашди: «Тўғрисини айтсам, мен оилам билан вақт ўтказишни режалаштирганман, шунинг учун бу ўйинни кўришга вақтим бўлмайди, деб ўйлайман», - деди у.

«Арсенал» айни дамда «Манчестер Сити»дан 5 очко олдинда. Ҳар икки жамоа 29 та ўйин ўтказган.