"Манчестер Сити" ярим ҳимоячиси Кевин де Брюйне ўзининг ютуғи ҳақида ўз фикрини айтди.
Шанба куни "Саутгемптон"га қарши ўйинда бельгиялик футболчи Эрлинг Холандга голли узатмани амалга ошириб, Премьер-лигадаги ассистлар сонини юзтага етказди.
"Мен бу ҳақда ўйиндан олдин ўқидим, кўпчилик бу рақамни интернетда муҳокама қилишди. Мен жамоадошларим учун имкон қадар кўпроқ имкониятлар яратишга ҳаракат қиламан. Албатта, мен бу ютуқ билан фахрланаман, лекин бу нафақат менинг хизматларим - кўп нарса уни ким якунлашига боғлиқ. Мен ишлашда давом этишим керак.
Мен бу натижага Фабрегасдан 56 ўйин тезроқ етиб келдимми? Мен солиштирмаган бўлардим. Сеск - ажойиб футболчи. Мен шунчаки ўз ишимни қиляпман", - дея де Брюйне сўзларини келтирмоқда BBC.
