"Марсель" клуби "Манчестер Юнайтед"дан ижара асосида тўп сураётган ҳимоячи Эрик Байини сотиб олишни режалаштирмаяпти, деб хабар беради GFFN.
Манбага кўра, 28 ёшли ивуарлик футболчи Францискнинг клуби раҳбариятининг ишончини оқламаган. У тез-тез жароҳат олган ва рақибга нисбатан қўпол қоидабузарлик қилгани учун еттита ўйинга дисквалификация қилинган.
Агар у Лига 1да 19 та ўйин ўтказса ва "Марсель" келаси мавсумда Чемпионлар лигасига йўлланма олса, Байининг 7 миллион еврога сотиб олиш имконияти автоматик равишда фаоллашади. Байи лигада бор-йўғи 11та ўйинда қатнашган. Шу боис, футболчининг "Манчестер Юнайтед"га қайтиши кутилмоқда.
Байи 2022 йилнинг ёзидан бери "Марсель"да тўп суради. Ижара шартномаси муддати жорий мавсум охиригача ҳисобланади. Transfermarkt портали футболчининг нархини 8 миллион еврога баҳоламоқда.
2022/23 йилги мавсумда ҳимоячи “Марсель” сафида барча мусобақаларда 17 та ўйинда майдонга тушди.
