Кеча Англия Премьер-лигаси доирасидаги “Манчестер Сити” – “Саутгемптон” учрашувида “шаҳарликлар” ҳужумчиси Эрлинг Холанд иккита гол урди. Шу тариқа, норвегиялик ҳужумчи миллий чемпионатнинг жорий мавсумидаги 30-голини урди.

Эътиборлиси, 22 ёшли скандинавиялик тўпурар АПЛда Лондоннинг "Челси"сидан кўпроқ гол урган. “Аристократлар” ҳисобида 29 та гол бор.

“Саутгемптон” – “Манчестер Сити” учрашуви Хосеп Гвардиола шогирдларининг 4:1 ҳисобидаги ғалабаси билан якунланди.

29 турдан кейин “шаҳарликлар” 67 очко жамғариб, пешқадам Лондон “Арсенал”идан 5 очко ортда қолмоқда.