Кеча «Манчестер Юнайтед» «Эвертон» устидан ғалаба қозонди.

Маркус Рэшфорднинг навбатдаги жароҳатидан сўнг, «Манчестер Юнайтед» бош мураббийи Эрик тен Хаг АПЛ тақвимининг кескинлигидан шикоят қилмоқда. Унинг фикрига рози бўлмасдан илож йўқ, айниқса охирги учта ўйин тақвимига назар ташласангиз:

2 апрель 16.30 «Ньюкасл»
5 апрель 20.00 «Брентфорд»
8 апрель, 12:30 «Эвертон»

Кўриб турганингиздек, иккинчи ва учинчи ўйинлар оралиғида «Манчестер Юнайтед»да дам олиш ва тайёргарлик кўриш учун бор-йўғи 62 соат вақт бор эди. «Манчестер Юнайтед»нинг навбатдаги ўйини 13 апрель, пайшанба куни бўлиб ўтиши бундай тиғиз тақвим янада ҳайратланарли қилади.

Умуман олганда, айнан шу пайшанба куни Европа лигаси доирасидаги «Севилья»га қарши ўйин «Манчестер Юнайтед» учун мавсумдаги элликинчи баҳс бўлади. Жаҳон чемпионати учун олти ҳафталик танаффус бўлган вақтни ҳисобга олиб қарасангиз, бу янада тиғизлашади.

Жорий мавсумдаги ўйинлар сони бўйича «кучли бешлик» етакчилари:

«Манчестер Юнайтед» – 49
«Реал Мадрид» – 46
«Манчестер Сити» – 45
«Фиорентина» – 44
«Вест Хэм» – 43
«Севилья» – 43 
«Ливерпуль» – 42
«Тоттенхэм» – 42
«Барселона» – 42
«Ювентус» – 42.