АПЛнинг 30-туридан ўрин олган марказий ўйинда "Ливерпуль" "Арсенал" билан ўйинда мағлубиятдан қутилишга муваффақ бўлди, Юрген Клопп шогирдлари 0:2 ҳисобида ортда қолишиб, ҳисобни тенглаштиришди. Германиялик мутахассиснинг фикрича, бу ўйин унинг жамоаси учун бироз характерли бўлди.
"Бу мавсумда биз учун бироз одатий ўйин бўлди. Тўлиқ очиқ ўйин, улар гол уришни бошладилар, аммо биз бунга яхши муносабатда бўлдик. Ўйин якунида барча имкониятларимиз билан ғалаба қозона олмаганимиздан ҳайратдаман", - дея Клопп сўзларини келтиради Sky Sports.