Англия Премьер-лигасининг 30-турига келиб “Арсенал”нинг “Манчестер Сити” билан орадаги очколар фарқи қисқарди.

Микель Артета шогирдлари бу турда “Ливерпуль” билан дуранг ўйнаган бўлса (2:2), “шаҳарликлар” “Саутгемптон”ни мағлуб этишди (4:1).

Лондонликлар лигадаги 30 ўйиндан сўнг 73 очкога эга, энг яқин таъқибчилари эса 67 очкога эга, аммо уларда яна бир захира ўйини бор.

"Манчестер Сити" - "Арсенал" учрашуви 26 апрель куни бўлиб ўтади. Бунгача "шаҳарликлар" "Лестер" (қолдирилган ўйинда - "Брайтон"), "канонирлар" эса "Вест Хэм" ва "Саутгемптон" билан ўйнайди.