«Барселона» раҳбарияти «Камп Ноу»ни реконструкция қилиш учун банклар олдидаги қарзини тўлаш учун янги режа бўйича келишиб олди, деб хабар бермоқда Reuters.
Каталония клуби Goldman Sachs ва JP Morgan олдидаги қарзларини дастлаб режалаштирилганидан 5 йил олдин тўлашни мақсад қилган. Натижада «Барселона» охирги тўловни 2052 йилда эмас, 2047 йилда амалга оширади.
Қайта қуриш учун дастлабки молиялаштириш режаси 2032, 2045 ва 2052 йилларда муддати тугайдиган 500 миллион евролик учта облигациядан иборат эди.
Янги режада йиллик 5,5% фоиз ставкаси кўзда тутилган. Бироқ клуб фоиз ставкасини пасайтириш мақсадида стадионни таъмирлаш ишлари тугаганидан кейин беш йил ўтиб кредитни қайта молиялаш имкониятини таъкидлади.
Қайта қуриш ишларининг бир қисми 2022 йилнинг ёзида бошланган. 2023/24 йилги мавсумда «Барса» Монтжуикдаги «Олимпия» стадионига кўчиб ўтади.
Клуб 2024 йилнинг ёзида жамоа «Камп Ноу»га қайтади, бироқ улар 50% мухлислар билан (максимал сиғим) ўйнашлари керак, чунки қурилишнинг фаол босқичи ҳали ҳам давом этади. Ишларни якунлаш 2025/26 йилги мавсумга режалаштирилган.
