"Атлетико"нинг Ла Лигадаги мағлубиятсиз серияси 12 ўйинга етди.

Диего Симеоне шогирдлари бугун 28-турда “Райо Вальекано”ни мағлуб этишди (2:1).

Охирги марта “Атлетико” чемпионатда 8 январь куни – “Барселона”га (0:1) мағлуб бўлганди. Ўшандан бери жамоа 9 ғалаба ва 3 дуранг қайд этган.

Эндиликда мадридликларнинг ғалабали серияси 5та ўйиндан иборат бўлиб, умумий ҳисоб 13:2. Навбатдаги ўйинда клуб ўз майдонида "Альмерия"ни қабул қилади (16 апрель).

Ла Лига турнир жадвалида “Атлетико” 57 очко билан “Реал”дан 2 очко ортда қолган ҳолда 3-ўринда бормоқда.