Англия терма жамоаси ва "Тоттенхэм" ҳужумчиси Гарри Кейннинг "Бавария"га ўтиши муваффақиятсизликка учраши мумкин, дея хабар бермоқда Goal.com.
Манбага кўра, мюнхенликлар футболчи трансфери учун "шпорлар"га 100 миллион евро тўлашга тайёр эмас. Агар “Бавария” инглиз футболчисини сотиб олишдан бош тортса, “Манчестер Юнайтед” унинг учун асосий даъвогарга айланади.
Ҳужумчининг “шпорлар” билан шартномаси 2023/2024 йилги мавсум охирида якунига етади. 29 ёшли футболчи 2011 йилнинг январидан буён "Тоттенхэм" сафида тўп суради. Кейн жорий мавсумда АПЛда 30 та ўйинда майдонга тушиб, 23 та гол урди ва 2 та голга ассистентлик қилди.
