"Бавария" ярим ҳимоячиси Райан Гравенберх Мюнхен клубидаги ўйин амалиёти ҳақида фикр билдирди.

20 ёшли нидерландиялик футболчи Германияда дуч келган қийинчиликларга қарамай, ўтган ёзда "Аякс"дан "Бавария"га ўтганидан афсусда эмаслигини айтди. Гравенберхнинг таъкидлашича, у илгари ҳеч қачон захира футболчиси бўлишга мажбур бўлмаган, чунки у доимо буюк истеъдод эгаси ҳисобланган.

"Мен "Бавария"да кўпроқ ўйнашимга умид қилгандим. Мен хафаман, лекин мен буни уддалай оламан.

Ушбу тажриба орқали сиз фақат яхшиланасиз. Мен ҳали жуда ёшман ва шунга ўхшаш нарсани кейинроқ эмас, ҳозир бошдан кечираётганимдан хурсандман", - деди Гравенберх Ajax Show Time билан суҳбатда.

Ярим ҳимоячи жорий мавсумда “Бавария” сафида 26 та ўйинда майдонга тушиб, 1 та гол ва 1 та голли узатмани амалга оширди.