Хави Сержи Бускетс кейинги мавсумда ҳам "Барселона"да қолади деган умидда.

Бускетснинг "Барселона" билан шартномаси июнь ойида тугайди. Хабар қилинишича, ярим ҳимоячи ҳали келажаги борасида бир қарорга келмаган.

"Мен унинг қолишини истайман, лекин мен уни тушунаман. Агар ҳаммаси яхши бўлса, у ҳозир, унвонлар билан ва керакли вақтда кетиши мумкин. Бу жуда қийин қарор. Мен мавсумни требль билан тугатганимдан кейин кетдим. Мен уни қолишга кўндирмоқчиман.

Бускетс ажойиб мавсум ўтказди ва мен бу ҳақда унга айтдим. Бу нафақат футболга, балки майдон ташқарисига ҳам тегишли. У ёшларга ёрдам беради, улар учун ўрнакдир. У бизга кўп нарса беради ва шунинг учун ҳам у қолиши керак деб ўйлайман”, - деди “Барселона” бош мураббийи.