"Реал" – "Челси", шунингдек, "Милан" ва "Наполи" жамоалари ўртасидаги Чемпионлар лигаси 1/4 финалининг дастлабки ўйинларини бошқарадиган ҳакамлар бригадалари маълум бўлди.
"Реал" – "Челси" учрашувида Франсуа Летесье бошчилигидаги франциялик ҳакамлар бригадаси ишлайди. Унинг ёрдамчилари - Сириль Мюнье ва Меди Рамуни. Тўртинчи ҳакам - Стефани Фраппар. Польшалик Томаш Квятковски ва франциялик Вилли Делажолар ВАР тизимига раҳбарлик қилишади.
"Милан" – "Наполи" учрашувида руминиялик ҳакамлар ишлайди. Бош ҳакам - Иштван Ковач, лайнсменлар - Василе Флорин Маринеску ва Овидиу Артене. Тўртинчи ҳакам - Хорациу Фесник. Германиялик ҳакамлар - Бастиан Данкерт ва Марко Фритц ВАР тизимида ишлайди.
Эслатиб ўтамиз, иккала ўйин ҳам 12 апрель куни бўлиб ўтади ва Тошкент вақти билан соат 23:59да бошланади.
