"Манчестер Юнайтед" мавсум якунига етганидан сўнг топ-ҳужумчи сотиб олишга интилмоқда.
Сўнгги ойларда миш-мишлар "қизил иблислар"ни кўплаб ҳужумчилар билан боғлади. Инсайдер Николо Скиранинг сўзларига кўра, бу позицияни мустаҳкамлаш ҳақиқатан ҳам "Манчестер Юнайтед" учун ёзги трансфер ойнасида устувор вазифа ҳисобланади. Клубнинг рўйхатидан ҳозирда Виктор Осимхен («Наполи»), Гарри Кейн («Тоттенхэм») ва Душан Влахович («Ювентус») жой олган.
Осимхеннинг нархи Transfermarkt портали томонидан 100 миллион евро, Кейн 90 миллион, Влахович 75 миллионга баҳоланган. Миш-мишларга кўра, учала футболчи учун ҳам етакчи чемпионатларнинг бошқа клублари ҳам даъвогарлик қилмоқда.
