«Интер» марказий ҳимоячиси Алессандро Бастони «Бенфика» билан бўлажак учрашув ҳақида ўз фикрлари билан ўртоқлашди.
Сешанба куни Чемпионлар лигасининг чорак финали доирасидаги Лиссабон ва Милан жамоалари ўртасида биринчи ўйин бўлиб ўтади.
«Чемпионлар лигаси ва А Серия турли хил турнирлар. Биз ҳар доим 100% имкониятимизни берамиз, лекин афсуски, чемпионатнинг сўнгги ўйинлари ижобий натижа бермади.
Биз диққатимизни жамлаган ҳолда ўйиндан завқ олишимиз керак. «Бенфика» жуда зўр клуб, аммо «Бавария», «Барселона» ва «Порту»дан қўрқмаганимиз каби, улардан ҳам қўрқмаймиз», деди 23 ёшли футболчи ўйинолди матбуот анжуманида.
