Роберт Левандовски сўнгги 8 ўйиннинг фақат биттасида гол урди.

Бугун «Барселона» ҳужумчиси Ла Лиганинг 28-туридан ўрин олган «Жирона» билан ўйинда (0:0) гол ура олмади.

26 февралдан бери полшалик фақатгина «Эльче» дарвозасини ишғол қилди (1 апрелда иккита гол). Клуб ва терма жамоа учун яна еттита ўйинда у гол урмасдан майдонни тарк этди.

«Барселона» сўнгги икки ўйинда (иккаласи ҳам «Камп Ноу»да) гол ура олмади. 5 апрель куни у Испания кубоги доирасида «Реал»га 0:4 ҳисобида мағлуб бўлди.

Кейинги ўйинда «Барса» меҳмонда «Хетафе» билан ўйнайди - бу 16 апрель куни содир бўлади.