"Ливерпул"нинг собиқ футболчиси Стен Коллимор "Ньюкасл" вакилини танқид қилди. У Энтони Гордон ҳақида шундай дейди:
"Ҳамма сингари мен ҳам Гордон ва Эдди Хау ўртасидаги келишмовчилик видеосини кўрдим. У "Брентфорд"га қарши баҳсда алмаштирилгани учун жаҳл қилаётганди. Тушунмадим, Гордон ўзини ким деб ўйлаяпти?
У "Ньюкасл"да ўйнаш учун арзирли ҳеч нарса қилгани йўқ. Келинг, вазиятга реал баҳо берайлик. Гордон инглиз бўлгани ва "Эвертон"да 4 та ўйинда ўзини кўрсатиб қўйгани сабабли "Ньюкасл"га ўтди. Қолаверса, ўша пайтда "Эвертон"га пул жуда зарур эди. Бўлмаса, у "Ньюкасл" учун арзимайди".