"Liverpul"ning sobiq futbolchisi Sten Kollimor "Nyukasl" vakilini tanqid qildi. U Entoni Gordon haqida shunday deydi:

"Hamma singari men ham Gordon va Eddi Xau o‘rtasidagi kelishmovchilik videosini ko‘rdim. U "Brentford"ga qarshi bahsda almashtirilgani uchun jahl qilayotgandi. Tushunmadim, Gordon o‘zini kim deb o‘ylayapti?

U "Nyukasl"da o‘ynash uchun arzirli hech narsa qilgani yo‘q. Keling, vaziyatga real baho beraylik. Gordon ingliz bo‘lgani va "Everton"da 4 ta o‘yinda o‘zini ko‘rsatib qo‘ygani sababli "Nyukasl"ga o‘tdi. Qolaversa, o‘sha paytda "Everton"ga pul juda zarur edi. Bo‘lmasa, u "Nyukasl" uchun arzimaydi".