"Реал Мадрид" фахрийлари Лука Модрич ва Тони Кроос жамоада яна бир мавсум қолади.

Журналист Мигель Анхел Торибио хабарига кўра, иккала футболчи ҳам "Қироллик клуби" билан янги шартнома имзолайди.

Эслатиб ўтамиз, Модрич ва Кроос ўртасидаги амалдаги келишувлар жорий мавсум охирида якунига етади. "Реал Мадрид" раҳбарияти жорий мавсумдаги натижаларга қўшган ҳиссасини инобатга олган ҳолда иккала футболчини ҳам яна бир мавсумга қолдириш мақсадга мувофиқ деб ҳисобламоқда.

37 ёшли Модрич Испания Ла Лигасининг жорий мавсумида 4 та гол урди ва 3 та голли узатмани амалга оширди. 33 ёшли Кроос эса чемпионатда 2 та гол ва 3 та голли узатмага эга.