"Барселона" "Атлетико Мадрид" вингери Янник Карраскога қизиқиш билдирмоқда. Шу билан бирга, агар Лионель Месси жамоага қайтса, каталонияликлар Карраскони трансфер қилиш вариантидан воз кечади. Бу ҳақда El Nacional хабар бермоқда.

Қишда Карраско "Барселона"га ўтиши борасида кўп хабарлар чиқди. Кейин Мемфис Депайнинг "Атлетико Мадрид"га ўтиши доирасида клублар Каррасконинг "пастланган нархда" тескари йўналишдаги эҳтимолий трансфери бўйича келишиб олдилар.

Лионель Месси, ўзингизга маълум, ҳозир “ПСЖ”да ўйнайди. Унинг амалдаги шартномаси жорий мавсум охиригача амал қилади.