Мадриднинг “Реал” клуби ҳимоячиси Давид Алаба бугун Чемпионлар лигаси чорак финалида “Манчестер Сити”га қарши ўйинда “Бавария”ни қўллаб-қувватлашини тан олди.
“Бугунги “Манчестер Сити”га қарши ўйинда “Бавария”ни қўллаб-қувватлайман. Бу аниқ, чунки бу жамоада фаолиятимнинг жуда муҳим йилларини ўтказдим. Келинг, нима бўлишини кўрамиз. Шубҳасиз, бу қизиқарли ўйин бўлади”, деди Алаба “Реал”нинг “Челси”га қарши ўйинидан олдин матбуот анжуманида.
Эслатиб ўтамиз, Алаба "Бавария"даги фаолияти давомида икки марта Чемпионлар лигасида ғолиб чиққан. Австриялик футболчи ўтган мавсумда "Реал" билан фаолиятидаги учинчи шундай совринни қўлга киритди.
