Madridning “Real” klubi himoyachisi David Alaba bugun Chempionlar ligasi chorak finalida “Manchester Siti”ga qarshi o‘yinda “Bavariya”ni qo‘llab-quvvatlashini tan oldi.
“Bugungi “Manchester Siti”ga qarshi o‘yinda “Bavariya”ni qo‘llab-quvvatlayman. Bu aniq, chunki bu jamoada faoliyatimning juda muhim yillarini o‘tkazdim. Keling, nima bo‘lishini ko‘ramiz. Shubhasiz, bu qiziqarli o‘yin bo‘ladi”, dedi Alaba “Real”ning “Chelsi”ga qarshi o‘yinidan oldin matbuot anjumanida.
Eslatib o‘tamiz, Alaba "Bavariya"dagi faoliyati davomida ikki marta Chempionlar ligasida g‘olib chiqqan. Avstriyalik futbolchi o‘tgan mavsumda "Real" bilan faoliyatidagi uchinchi shunday sovrinni qo‘lga kiritdi.
