Испаниянинг “Валенсия” клубининг грузиялик дарвозабони Гиорги Мамардашвили бирданига Европанинг бир қанча топ-клублари эътиборини тортди ва келаси ёзда жамоасини ўзгартириши мумкин.
22 ёшли дарвозабоннинг агенти ўтган ҳафта Англияда бўлган ва футболчининг трансфери учун курашда фаворит ҳисобланган "Челси", "Тоттенхэм", "Манчестер Юнайтед" ва "Лестер" вакиллари билан учрашган. "Атлетико Мадрид", "Монако" ва "Милан" ҳам Мамардашвилини трансфер қилиш вариантини кўриб чиқмоқда. Посбоннинг ўзи "Валенсия"ни тарк этишни мақсад қилган. 90min хабарига кўра, агар "Валенсия" 34 миллион евро олса, дарвозабоннинг кетишига халақит бермаслиги кутилмоқда.
22 ёшли Мамардашвили "Валенсия"да 2021 йилдан буён ўйнаб келмоқда. Жорий мавсумда Гиорги испан клуби сафида барча мусобақаларда 32 та ўйинда майдонга тушди.
