"Челси"нинг собиқ футболчиси Жанфранко Дзола "Реал Мадрид"га қайси футболчини таклиф қилиши ҳақидаги саволга жавоб берди.
"Менимча, Мбаппе Испания чемпионатига Холанддан кўра кўпроқ мос келади. "Реал"га фақат голларга эътибор қаратмайдиган ҳужумчи керак. Менимча, Килиан Мадридга ва Испания чемпионатига яхшироқ мослашган бўларди. Аммо бу иккита жуда муҳим ўйинчи. Келинг, шундай қилайлик: бирини Мадридга, иккинчисини эса "Челси"га жўнатамиз (кулади)", - деди Дзола AS билан суҳбатда.
Килиан Мбаппе "ПСЖ"да, Эрлинг Холанд эса "Манчестер Сити"да ўйнайди. Мадриднинг “Реал” клуби Чемпионлар лигасининг чорак финалида “Челси”га қарши баҳс олиб боради.
