"ПСЖ" ёзда ҳимоя чизиғини янгиламоқчи.
"Интер" марказий ҳимоячиси Милан Шкриньяр июль ойида эркин агент сифатида парижликлар сафига қўшилади. Журналист Фабрис Хокинснинг фикрича, "ПСЖ" фақат битта марказий ҳимоячи билан шартнома имзолашни истамаяпти. Яқинда қизиқиш билдирилган Жан-Клер Тодибодан ташқари, пойтахтлик гигант клуб "Монако"дан 25 ёшли Аксел Дисаси номзодини кўриб чиқмоқда.
Transfermarkt экспертлари Дисасининг трансфер нархини 25 миллион еврога баҳоламоқда. Унинг монегасклар билан амалдаги шартномаси 2025 йилгача мўлжалланган.