"Бавария" бош мураббийи Томас Тухель ўз клуби раҳбариятининг ишончига ишониши мумкин.
Мутахассис март ойи охирида ишдан бўшатилган Юлиан Нагельсманнинг ўрнига тайинланган эди. Сешанба куни “Бавария” Чемпионлар лигасининг жорий мавсумида илк мағлубиятини 1/4 финалнинг биринчи ўйинида “Манчестер Сити”дан қабул қилиб олди (0:3). Аввалроқ Тухель бошчилигидаги жамоа "Фрайбург"га (1:2) имкониятни бой бериб, Германия кубогидан чиқиб кетган эди.
Журналист Тоби Альтшеффлнинг фикрича, “Бавария” раҳбарлари жорий мавсум бўйича Тухелнинг натижаларига қаттиқ баҳо беришмайди. Мутахассисга мураббийлигидаги жамоа натижаларини баҳолашдан олдин мавсумолди йиғинлар ва ёзги трансфер ойнасини ўтказишга рухсат берилади.
