Душанба кунидан Тожикистон пойтахти Душанбе шаҳрида қитъамизда клублар ўрасидаги нуфузи бўйича учинчи ўринда турадиган ОФК президенти кубоги старт олади. Мусобақанинг финал босқичида "Истиқлол" (Тожикистон), "Пномпень Краун" (Камбожа), "Дордой Динамо" (Қирғизистон), "Ал-Амари" (Фаластин), "КРЛ" (Покистон) ва "Тайвань Пауэр Компани" (Хитой Тайпейи) жамоалари иштирок этишади. Дастлабки уч жамоа "А", қолган уч жамоа эса "B" гуруҳидан ўрин олишган.
Мусобақани мезбонлар қирғизларга қарши ўйин билан очиб беришади. Ҳар икки гуруҳ ғолиблари 30 сентябр куни финалда майдонга тушишади. Мусобақа ғолиби 50 минг АҚШ доллари, финалчи эса 25 минг АҚШ доллари миқдорида мукофот олади.
Ҳозирда жамоалар бирин-кетин Душанбега етиб келишмоқда. Жамоалар "Тожикистон" меҳмонхонасига жойлашишган. Стюарт Мишел Рамалинган бошчилигида ОФК гуруҳи эса "Хаят Реженси Душанбе" меҳмонхонасидан ўрин олишган.
Кеча Душанбеда бўлган концертда кубок мухлисларга намойиш этилди.
ТАҚВИМ:
1-тур
24 сентябр (душанба)
16.00 «Дордой» (Қирғизистон) «Истиқлол» (Тожикистон)
19.00 «Тайвань Пауэр Компани» (Хитой Тайпейи) «Ал-Аммари» (Фаластин)
2-тур
26 сентябр (чоршанба)
16.00 «КРЛ» (Покистон) «Тайвань Пауэр Компани» (Хитой Тайпейи)
19.00 Пномпень-Краун» (Камбоджа) «Дордой» (Қирғизистон)
3-тур
28 сентябр (жума)
16.00 «Ал-Аммари» (Фаластин) «КРЛ» (Покистон)
19.00 "Истиқлол" (Тожикистон) «Пномпень Краун» (Камбоджа)
Финал
30 сентябр (якшанба)
"А" гуруҳи ғолиби - "B" гуруҳи ғолиби
