Нидерландия терма жамоаси бош мураббийи Рональд Куман Лионель Мессининг "Барселона"га қайтиши мумкинлиги ҳақида гапирди.
Эслатиб ўтамиз, аргентиналик футболчи 2021 йилнинг ёзида эркин агент сифатида жамоани тарк этганида айнан Куман "кўк-анорранглилар" бош мураббийи бўлган. Ўшандан бери Месси шартномаси ёзда тугайдиган Франциянинг "ПСЖ" жамоасида тўп сурмоқда.
"Месси "Барселона" футболчиси бўлиши керак. У кетгани ачинарли бўлганди. Лионель - сайёрамизнинг энг яхши футболчиси, шунинг учун у кетганидан кейин клубда вазият қийинлашди. Мессини бошқа жамоа либосида кўрганимда ҳайрон бўлгандим. Раҳбарият уни қўйиб юбориш орқали нотўғри иш қилди" - дея Куманнинг сўзларини келтиради Jijantes.
