Мюнхеннинг “Бавария” клуби ҳужумчиси Томас Мюллер “Манчестер Сити”га қарши Европа Чемпионлар Лигаси 1/4 финал жавоб ўйинида ўз жамоасининг камбэк қилишига ишонмаяпти. Эслатиб ўтамиз, Томас Тухель жамоаси кеча биринчи ўйинни сафарда ўтказиб, 0:3 ҳисобида мағлуб бўлган эди. Жавоб ўйини бир ҳафтадан сўнг бўлиб ўтади.
“Ҳозирда биз ачинарли ҳолатдамиз. Жавоб ўйини олдидан ижобий муносабатда бўлиш қийин бўлади. Аввалига Бундеслигада “Хоффенхайм”га қарши ўйинда уч очко олишимиз керак ва шундан кейингина “Манчестер Сити”га қарши жавоб ўйинига тайёргарлик кўришимиз мумкин”, — деди Мюллер ўйиндан кейинги интервьюсида.
