Эрик тен Хаг Қатарда бўлиб ўтган жаҳон чемпионатида Жуд Беллингемнинг кўрсатган ўйинидан ҳайратда қолган.

Manchester Evening News хабарига кўра, жаҳон чемпионатидан сўнг "Манчестер Юнайтед" бош мураббийи ўз атрофидагиларга дунёнинг исталган футболчисини қўлга кирита олса, Беллингемни танлашини айтган.

Клуб вакиллари ҳам "Боруссия" ярим ҳимоячисининг ўйинидан қойил қолишмоқда ва уни "Пол Погбанинг меросхўри" сифатида кўришмоқда.

Маълумотларга кўра, Тен Хаг "Боруссия Дортмунд"нинг жорий мавсумдаги ўйинларини кузатган ва Беллингемнинг ажойиб салоҳиятини қайд этган, бироқ у Англиядан фарқли ўлароқ, Беллингем Дортмунд "Боруссия"сида ўйнаганида ҳар доим ҳам энг яхши ўйин кўрсатмаслигини пайқаган.

Олдинроқ, Беллингемга "Манчестер Юнайтед" қизиқиш билдираётгани ҳақида хабарлар тарқалган эди. Бошқа даъвогарлар орасида "Манчестер Сити", "ПСЖ", "Реал" ва "Челси" ҳам бор.